قطر الندى Admin
عدد المساهمات : 147 تاريخ التسجيل : 12/04/2009
| موضوع: قصيدة شاعر لحبيبته في يوم زفافها الجمعة مايو 15, 2009 11:09 am | |
| ابد ماجيت ابارك ولكن جيت بوصيك ........ على الله ناوي تدخل بها الليله معزبتي ترى لولا الظروف اللي عطتك وحدت محاكيك ........ قسم بالله ماتدخل عليها لو على رقبتي ولكن النصيب اقوى ولا ادري وش اسوي فيك ........ نعم صارت معزبتك ولا صارت معزبتي كذا شاءت بنا الاقدار تحرمني لجل تعطيك ........ كذا لازم عشان تفوز انت اخسر بتجربتي تراها غاليه جدا..وتكفى.. والله يخليك ........ تدللها .. تدلعها..تنسيها مصاحبتي انا من كثر ما اغليها احس اني بديت اغليك ........ ولا تسال بأية حق ولا وش مناسبتي لأنك لو بتسألني بتسمع شي مايرضيك ........ لذا ياخوي لا تسأل ولا تسمع لأجوبتي ابيك تحطها في داخل عيونك وبين ايديك ........ وهي دلوعه واعتادت على كثرة مداعبتي واذا هي مالها خلقك ولا تضحك ولا تسليك ........ تحملها واسألها: ياعمري ليه عصبتي وبالك اسمع انك يوم تضربها وهي تشكيك ........ مايحتاج اوري لك بفن الضرب موهبتي صحيح انك بتملكها ومعك الصك بالتمليك ........ وانا عارف حدود الله ومن حقك معاقبتي ولكن قلها المجنون وصاني وهو يعنيك ........ يقول انه بينتظرك ولو شيب وشيبتي وانا مجنونها اللي مانساها وانت مايمديك ........ تغطي ذكرياتي في هواها وربع تجربتي احس اني تماديت بكلامي والغضب حاديك ........ ولو انك في مكاني ماتفكر في محاسبتي كفاك اني تركت الليله اشغالي عشان اجيك ........ دخلت القاعه برجلي ولا ادري ويش عاقبتي وانا ماجيت اخرب عرسك الليله ولا أذيك ........ انا جيتك عشان اخاطبك واسمع مخاطبتي توصى وانتبه واحرص عليها والله يهنيك ........ ترى كل الكلام اللي طلع من ضيقي وكبتي ولكن ماقدرت اني اقوله وانت مايخفيك ........ اخاف اني اذا قلته تقوم وتقطع رقبتي | |
|
kalhed
عدد المساهمات : 41 تاريخ التسجيل : 06/05/2009 العمر : 37
| موضوع: رد: قصيدة شاعر لحبيبته في يوم زفافها الجمعة مايو 22, 2009 2:29 pm | |
| مشكورررررررررررررررررررررة روعه | |
|